Azərbaycan, Bakı, 21 avqust /Trend, müxbir E.Əliyev/
Azərbaycanın polad istehsalçısı "Baku Steel Company" MMC bu ilin sentyabr ayında istehsal güçünün 1,1 milyon ton məhsula çatdırmağı planlaşdırır. Trend-in məlumatına görə, bu barədə müəssisənin rəhbəri Rasim Məmmədovun çərşənbə günü "Xalq Qəzeti"ndə dərc olunan müsahibəsində bildirilir.
Məmmədovun sözlərinə görə, zavod ərazisində geniş miqyaslı yenidənqurma işləri aparılır:
"Hazırda zavodda dünya standartlarına cavab verən nəhəng laboratoriya qurulub. Zavod Almaniya, İtaliya, İspaniyadan gətirilmiş müasir avadanlıqlarla təchiz edilib. Yenidənqurma işlərindən sonra bu ilin 25 sentyabr tarixində illik istehsal gücü 1 milyon 100 min ton olacaq".