Azərbaycan, Bakı, 12 sentaybr /Trend, müxbir A.Axundov/
Azərbaycanın xarici ölkələrlə təkrar gəlirlər üzrə həyata keçirdiyi əməliyyatların ümumi dəyəri 2013-cü ilin yanvar-iyun aylarının nəticələrinə əsasən 1,4 milyard dollar təşkil edib. Bu məbləğdən 50,2 faizi ölkəyə daxilolmaların payına düşür.
Trend-in məlumatına görə, bu barədə cümə axşamı Azərbaycan Mərkəzi Bankının (AMB) dərc etdiyi tədiyyə balansında deyilir.
Təkrar gəlirlər üzrə ümumi daxilolmalardan 95,8 faizini əcnəbi fiziki şəxslərin pul köçürmələri, 1,7 faizini ölkəyə idxal edilən humanitar malların dəyəri, 1,7 faizini isə digər daxilolmalar təşkil edir.
Ümumilikdə ölkənin təkrar gəlirli əməliyyatlar üzrə müsbət saldosu 6 milyon dollar olub.
