Azərbaycan, Bakı, 6 noyabr /Trend, müxbir A.Axundov/
2014-cü ildə Azərbaycan əməkhaqlarının, pensiyaların və sosial müavinətlərin artırılmasına 600 milyon manatdan artıq vəsait yönəldəcək.
Trend-in məlumatına görə, bu barədə maliyyə naziri Samir Şərifov çərşənbə günü Milli Məclisin Elm və təhsil, Hüquq siyasəti və dövlət quruculuğu, Regional məsələlər, Mədəniyyət, İnsan haqları, Beynəlxalq münasibətlər və parlamentlərarası əlaqələr komitələrinin geniştərkibli iclasında 2014-cü il üzrə dövlət büdcəsi layihəsinin müzakirəsi zamanı bildirib.
Nazirin sözlərinə görə, bu artım üç milyon insana şamil ediləcək.