Azərbaycan, Bakı, 7 noyabr /Trend, müxbir E.Əliyev/
2013-ci ilin yanvar-sentyabr aylarında dövriyyədə olan pul kütləsi (dövriyyədəki nağd pulların (banklardan kənarda), maliyyə təşkilatlarının (kredit təşkilatlarından başqa) və fiziki şəxslərin hesablarındakı milli valyuta vəsaitləri qalıqları, M2) 2012-ci ilin analoji dövrü ilə müqayisədə 19,41 faiz artıb. Trend-in məlumatına görə, bu barədə Azərbaycan Mərkəzi Bankının 2013-cü ilin yanvar-sentyabr ayları üzrə pul siyasəti icmalında deyilir.
Belə ki, 2013-ci il ilk doqquz ayı ərzində olan vəziyyətə görə, M2 göstəricisi 14 809,6 milyon manat təşkil edib. 2012-ci ilin analoji dövründə bu rəqəm 12 402,4 milyon manat olub.
2013-ci il ərzində nağd pul kütləsi (M0) 14,97 faiz artaraq 9 560 milyon manat təşkil edib. 2012-ci ilin analoji dövründə bu rəqəm 8 315,4 milyon manat olub.
2013-ci ilin yanvar-sentyabr aylarında olan vəziyyətə görə, genişlənmiş pul kütləsi (Broad Money Supply (M3) 17 613,6 milyon manat təşkil edib ki, bu da 2012-ci ilin analoji dövründə qeydə alınan nəticədən (15 343,3 milyon manat) 14,8 faiz çoxdur.
İl ərzində sövdələşmələr üçün məbləğlər (transaction money (M1) 11 736,8 milyon manat təşkil edib ki, bu da 2012-ci ilin analoji dövründə qeydə alınan nəticədən (10 053,6 milyon manat) 16,74 faiz çoxdur.
Pul bazarının parametrləri (milyon manatla)
|
Həcm, 01.10.2013 |
|
|
Genişləndirilmiş pul kütləsi (М3) |
17 613,6 |
|
Manatla ifadədə pul kütləsi (М2) |
14 809,6 |
|
Manatla ifadədə nağd pul (М0) |
9 560,0 |
|
Manatla ifadədə nağdsız pul |
5 249,6 |