Azərbaycan, Bakı, 31 mart /Trend, müxbir E.Əliyev/
2013-cü ilin yekunları üzrə "AXA MBASK" ASC-nin aktivləri ilin əvvəlindəki 25,78 milyon manata nisbətdə 1,75 faiz azalaraq 25,33 milyon manat təşkil edib. Trend-in məlumatına görə, bu barədə şirkətin bazar ertəsi rəsmi mətbuatda dərc olunmuş balans hesabatında deyilir.
"AXA MBASK" ASC-nin maliyyə hesabatlılığı "MAK Azərbaycan LTD" MMC-nin auditoru Nail Seyfullayev tərəfindən aparılıb.
Hesabata görə, 2013-cü ilin sonunda şirkətin uzunmüddətli aktivləri 7,19 milyon manat, qısamüddətli aktivləri isə 18,14 milyon manat təşkil edib.
2013-cü ildə vəsaitlərində və onların ekvivalentlərində 13,45 milyon manat yığılıb. Bu həcmdən 0,94 milyon manat valyuta hesabında, 12,44 milyon manat isə depozit hesablarında yığılıb.
2013-cü ilin yekunları üzrə şirkətin ödənilmiş nizamnamə kapitalı dəyişməyərək 8,73 milyon manat səviyyəsində qalıb. Ötən ilin sonunda şirkətin məcmu kapitalı 2012-cu illə müqayisədə 1,36 faiz artaraq 10,47 milyon manat təşkil edib.
Şirkətin məcmu öhdəlikləri 14,86 milyon manat, kapitalı və ümumilikdə öhdəlikləri ilin əvvəlindəki 25,78 milyon manata qarşı 25,33 milyon manat təşkil edib.
Ötən ilin yekunları üzrə şirkətin gəlirləri 20,98 milyon manat, xərcləri isə 20,94 milyon manat olub. Şirkət 2013-cü ili 29,45 min manatlıq mənfəətlə başa vurub.