Azərbaycan, Bakı, 21 aprel/Trend/
Aprelin 23-dən etibarən Bakı Fond Birjasında (BFB) "Buta Sığorta" ASC-nin 4 milyon manat həcmində qeydiyyata alınmış adi, adlı, sənədsiz səhmlərinin yerləşdirilməsi başlayır.
Trend-in bazar ertəsi BFB-yə istinadən verdiyi məlumata görə, emissiya çərçivəsində hər birinin nominal dəyəri 20 manat olan 200 min səhm buraxılacaq. Sövdələşməni anderreyteri qismində "Çelsi Kapital" çıxış edir.
Məlumatda deyilir: "Şirkət səhmlərinin BFB-nin qeyri-kotirovka vərəqəsinə salınması ilə bağlı müraciət edib".
Səhmlərin emissiyasının yerləşdirmə müddəti 2015-ci il martın 1-dən müəyyənləşdirilib.
Emissiya yerləşdirildikdən sonra şirkətin nizamnamə kapitalı indiki 7,3 milyon manatdan 11,3 milyon manatadək artacaq.