...

Azərbaycanda sığorta depozitləri üzrə dərəcəyə yenidən baxıla bilər

Biznes və iqtisadiyyat xəbərləri Materials 14 May 2014 17:03

Trend-i buradan izləyin

Azərbaycan, Bakı, 14 may /Trend, müxbir E.Əliyev/

Azərbaycanda sığorta edilən əmanətlər üzrə dərəcənin yuxarı həddinə artıq gələn həftə yenidən baxıla bilər. Bu barədə çərşənbə günü Trend-ə Azərbaycan Əmanətlərin Sığortalanması Fondunun (ADIF) icraçı direktoru Azad Cavadov bildirib.

Bu gün fondda dərəcəsi illik 10 faizi ötməyən əmanətlər sığortalanır.

A.Cavadov deyib ki, Azərbaycanin Mərkəzi Bankı ilə razılaşdırıldıqdan sonra bu məsələ fondun Qəyyumlar Şurasının iclasında müzakirə olunacaq. O, təfərrüatları açıqlamaqdan imtina edib.

Bir müddət əvvəl Mərkəzi Bankı bazarda depozitlər üzrə faiz dərəcələrinin azalması tendensiyasının müşahidə olunması ilə əlaqədar bu dərəcənin azaldılmasının mümkün olduğunu qeyd etmişdi. 2014-cü il aprelin 1-nə olan vəziyyətə görə, fiziki şəxslərin depozitləri üzrə orta dərəcə 9,73 faiz təşkil edir. Ötən ilin eyni dövründə bu göstərici 10,33 faiz olub. Fərdi müştərilərin xarici valyutada depozitləri üzrə orta dərəcə 2013-cü il aprelin əvvəlindəki 10,69 faizə qarşı 10,13 faiz olub.

A.Cavadovun sözlərinə görə, bununla yanaşı, əmanətlər üzrə sığorta ödəmələrinin maksimal məbləğində dəyişiklik imkanı hazırda müzakirə edilmir.

Hazırda ödəmələrin maksimal məbləği 30 min manatdır. Əmanətçilər öz əmanətlərini sığortalamaq üçün heç bir ödəniş etmirlər və sığorta ödənişlərini yalnız banklar özləri həyata keçirir.

Qeyd edək ki, ADIF 2007-ci il avqustun 13-də fəaliyyətə başlayıb.

Məqalədə:
Xəbər lenti

Xəbər lenti