...

Azərbaycanın bank sektorunun kapitallaşması il ərzində 28 faiz artıb

Biznes və iqtisadiyyat xəbərləri Materials 7 Avqust 2014 13:10

Trend-i buradan izləyin

Azərbaycan, Bakı, 7 avqust /Trend/

2014-cü il iyunun 1-nə olan məlumata görə, Azərbaycanın bank sektorunun kapitallaşması 2013-cü ilin iyunun sonuna olan göstəricilərə nisbətən 27,9 faiz artaraq iyulun 1-də 3,653 milyard manat təşkil edib. Trend-in məlumatına görə, bu barədə Azərbaycan Mərkəzi Bankının (AMB) 2014-cü ilin birinci yarısının yekunlarına dair statistik hesabatında deyilir.

AMB-nin məlumatına görə, kapitalı 10 milyon manatdan çox olan (Mərkəzi Bankın qüvvədə olan normativ tələbləri) bankların sayı hesabat dövrünün yekunları üzrə 42 ədəd təşkil edib ki, bu da 2013-cü il martın sonuna olan göstərici ilə müqayisədə 1 ədəd çoxdur. Ölkənin bütün banklarının ümumi kapitalının həcmində bu kateqoriyadan olan bankların xüsusi çəkisi qeyd edilən dövrün yekunları üzrə 99,7 faiz təşkil edib. Hesabat dövrünün yekunları üzrə ölkənin bütün banklarının məcmu kapitalında bu bankların həmin kateqoriyalar üzrə xüsusi çəkisi 0,2 və 0,1 faiz olub.

Bir bankın kapitalı 5-10 milyon manat, bir bankın kapitalı isə 3,5-5 milyon manatdan beş milyon manata qədər səviyyədə formalaşıb. 2014-cü ilin sonuna AMB-nin bankların məcmu kapitalının minimum həcminə qarşı tələbi 50 milyon manat səviyyəsində müəyyənləşib.

2014-cü ilin ikinci rübünün yekunları üzrə Azərbaycanda 44 bank fəaliyyət göstərir: 42 kommersiya və bir dövlət bankı. Xarici kapitallı banklar 22 ədəd təşkil edir. Onlardan yeddisinin xarici kapitalda xüsusi çəkisi 50 faizdən 100 faizədək, 13 bankda 50 faizədək təşkil edib. Ölkədə xarici bankların daha iki filialı fəaliyyət göstərir.

Məqalədə:
Xəbər lenti

Xəbər lenti