Azərbaycan, Bakı, 2 oktyabr /Trend, müxbir Azad Həsənli/
"AzərTürkbank" ASC-nin Azərbaycan tərəfdən səhmlərin 50 faizinin sahibinin - bankın səhmdarının dəyişməsindən sonra İdarə Heyətinin tərkibində dəyişiklik baş verib.
Cümə axşamı bankdan Trend-ə verilən məlumata görə, Fərhad Adıgözəlov bankın İdarə Heyəti sədrinin səlahiyyətlərini müvəqqəti icra edən təyin edilib. O, bu postda Mehmet Sami Acarözmeni əvəz edib.
Adıgözəlov 2014-cü il sentyabrın 2-dən "AzərTürkbank"ın İdarə Heyəti sədrinin birinci müavini təyin edilib. O, sədr müavini Süleyman Bəkirovu əvəz edib.
İdarə Heyətinin tərkibində Alptekin Sarıgöl, İdarə Heyətinin üzvləri Zaur Kalyaşov və Pərvinə Məmmədova öz mövqelərini qoruyub saxlayıblar.
Bankda rəhbərlikdəki dəyişiklikdən sonra sədr müavininin sədrin vəzifələrini müvəqqəti icra edənə dəyişdirilməsini standart prosedur hesab edirlər.
Başqa dəyişikliklər- Müşahidə Şurasındakı dəyişikliklər barədə hələlik şərh verməkdən imtina edirlər. Bankın Müşahidə Şurasının əvvəlki sədri "AzərTürkbank"ın səhmlərinin 46 faizinin məxsus olduğu "Agrarcredit" bank olmayan kredit təşkilatının sədri Məmməd Musayev olub.
Bak səhmdarlarının tərkibində dəyişiklik bu ilin yayında baş verib. Azərbaycan Maliyyə Nazirliyi "AzərTürkbank" ASC-nin səhmlərinin 50 faizini alıb - səhmlərin 46 faizi "Agrarcredit"in, 4 faizi isə "TuranBank" ASC-dir. Daha sonra "AzerTurkbank"ın kapitalında 50 faizlik iştirak payına mülkiyyət hüququnun MN Dövlət Əmlak Məsələləri Komitəsinə satıb.
"AzərTürkbank" 1995-ci il mayın 25-də yaradılıb.