Azərbaycan, Bakı, 27 oktyabr /Trend, müxbir Azad Həsənli/
Qiymətli Kağızlar üzrə Dövlət Komitəsi (QKDK) "Parabank" ASC-nin ümumi dəyəri 7,3 milyon manat olan imtiyazlı, sənədsiz, adlı səhmlərinin emissiya prospektini qeydiyyata alıb.
Trend-in QKDK-ya istinadən verdiyi məlumata görə, emissiya çərçivəsində hər birinin nominal dəyəri 200 manat olan 36 583 səhm buraxılıb.
İmtiyazlı səhmlərin yerləşdirilməsi nəticəsində bankın nizamnamə kapitalı 20,34 faiz artaraq 49,22 milyon manata çatacaq.