Azərbaycan, Bakı, 28 dekabr /Trend, müxbir Hüseyn Vəliyev/
Azərbaycanda "Simurq" adı almış ilk dron təqdim olunub. Qurğu Bakıda I Respublika Əqli Mülkiyyət və İnnovasiyalar Sərgisində nümayiş etdirilib.
Mühəndis-konstruktor Rizvan Qasımov Trend-ə deyib ki, qurğu müxtəlif sahələrdə - ərazinin xəritəsinin tərtib edilməsi üçün, fövqəladə hallar zamanı və kənd təsərrüfatında tətbiq edilə bilər.
Onun sözlərinə görə, "Simurq" dronu effektiv kameraya və sabitləşdirici sistemə malikdir: "Qurğunun müşahidə radiusu 10 kilometrə çatır: "Simurq" muxtar rejimdə 17 dəqiqədən 30 dəqiqəyədək işləyə bilər".
R.Qasımov qeyd edib ki, Azərbaycanın bəzi strukturları bu uçan aparatdan istifadə etməyə maraq göstərirlər. Hazırda qurğunun xarici analoqları Fövqəladə Hallar Nazirliyinin xidmətindədir.
...