...

“PAŞA Həyat” vəfat etmiş şəxsin banka olan borcuna görə iri həcmli sığorta ödənişi edib

Biznes və iqtisadiyyat xəbərləri Materials 3 Noyabr 2015 14:59 (UTC +04:00)
“PAŞA Həyat” vəfat etmiş şəxsin banka olan borcuna görə iri həcmli sığorta ödənişi edib.
“PAŞA Həyat” vəfat etmiş şəxsin banka olan borcuna görə iri həcmli sığorta ödənişi edib

Trend-i buradan izləyin

Azərbaycan, Bakı, 3 noyabr /Trend/

"PAŞA Həyat" vəfat etmiş şəxsin banka olan borcuna görə iri həcmli sığorta ödənişi edib.

"PAŞA Həyat Sığorta" şirkəti "kredit götürən şəxslərin həyat sığortası" növü üzrə növbəti iri həcmli sığorta ödənişini həyata keçirib.

Şirkətin İctimaiyyətlə Əlaqələr Xidmətinin verdiyi məlumata görə, ölkədə fəaliyyət göstərən bankların birindən ipoteka krediti götürmüş şəxsin vəfat etməsi nəticəsində müştərinin 47 600 manatlıq sığorta məbləği "PAŞA Həyat" tərəfindən aidiyyatı üzrə ödənilib.

Qeyd edək ki, cari ilin əvvəlindən indiyədək ipoteka krediti ilə bağlı sığorta hadisəsinə görə 185,905 min manata yaxın sığorta ödənişi verilib.

"PAŞA Həyat Sığorta" ASC 2011-ci ilin fevral ayının 14-dən fəaliyyət göstərir. Hazırda şirkət müştərilərə istehsalatda bədbəxt hadisələrdən icbari sığorta, həyatın müddətli sığortası, yığım tərkibli yaşam sığortası, sağalmaz xəstəliklərdən sığorta və digər könüllü həyat sığortası məhsulları təklif edir. Cari ilin noyabr ayının 1-nə şirkətin nizamnamə kapitalının həcmi 40,250 mln. manat təşkil edir.

Məqalədə:
Xəbər lenti

Xəbər lenti