...

DSMF: Sahibkarların şikayətlərinin araşdırılmasının çevikliyinin təmin edilməsi üçün meyarlar müəyyən olunacaq

Biznes və iqtisadiyyat xəbərləri Materials 22 Fevral 2016 12:30
Dövlət Sosial Müdafiə Fondunun Apellyasiya Şurasının iclası keçirilib.
DSMF: Sahibkarların şikayətlərinin araşdırılmasının çevikliyinin təmin edilməsi üçün meyarlar müəyyən olunacaq

Trend-i buradan izləyin

Bakı. Trend:

Dövlət Sosial Müdafiə Fondunun Apellyasiya Şurasının iclası keçirilib.

Fondun İctimaiyyətlə əlaqələr şöbəsindən Trend-ə verilən məlumata görə, Azərbaycan Respublikası Prezidentinin 3 fevral 2016-cı il tarixli "Azərbaycan Respublikasının mərkəzi və yerli icra hakimiyyəti orqanlarında Apellyasiya Şuralarının yaradılması haqqında" Fərmanına uyğun olaraq, Dövlət Sosial Müdafiə Fondunuda yaradılmış Apellyasiya Şurasının ilk iclası keçirilib.

Dövlət Sosial Müdafiə Fondunun İctimaiyyətlə əlaqələr sektorundan verilən məlumata görə, iclasda Şuranın fəaliyyətinin təşkili istiqamətində görülmüş işlər müzakirə olunub. Bildirilib ki, Apellyasiya Şurasının yaradılmasından sonra Dövlət Sosial Müdafiə Fondunun sədrinin müvafiq əmrləri ilə Şuranın və onun katibliyinin tərkibi təsdiq edilib.

İclasda şura tərəfindən sahibkarların şikayətlərinin araşdırılmasının çevikliyinin təmin edilməsi, əsassız yazışmalara yol verilməməsi və işin səmərəli təşkili üçün meyarların müəyyən olunması, şuranın katibliyinin fəaliyyətini tənzimləyən metodiki reqlamentin hazırlanması və sahibkarların elektron qaydada da müraciət etməsi üçün texniki imkanların yaradılması işlərinin sürətləndirilməsi qərara alınıb.

Qeyd edək ki, Dövlət Sosial Müdafiə Fondunun sədr müavini Zakir Babayevin rəhbərlik etdiyi və 7 nəfərdən ibarət Apellyasiya Şurasının tərkibinə Fondun məsul əməkdaşları daxildir.

Məqalədə:
Xəbər lenti

Xəbər lenti