Bakı. Ənvər Məmmədov - Trend:
Bu gün fevralın 23-də Sumqayıt Kimya Sənaye Parkında ferroərintilərin istehsalı üzrə zavodun tikintisinə dair müqavilə imzalanıb.
Trend-in məlumatına görə, müqavilə Bakı Əlvan Metallar və Ferroərintilər Şirkəti və Türkiyənin "Demora" şirkəti arasında imzalanıb.
Müqavilənin imzalanması mərasimi Bakıda Azərbaycan İqtisadiyyat Nazirliyinin təşkil etdiyi "Sənayenin inkişafına dövlət dəstəyi" konfransı çərçivəsində baş tutub.