.jpg)
Təfərrüatlar əlavə olunub (ilk xəbər saat 12:10-da yayılıb)
Bakı. Ənvər Məmmədov - Trend:
Avropa Yenidənqurma və İnkişaf Bankı (AYİB) son iki ildə Azərbaycanda 270 milyon dollar məbləğində 30 layihə reallaşdırıb.
Trend-in məlumatına görə, bunu AYİB-in prezidenti Suma Çakrabarti Bakıda bu gün keçirilən mətbuat konfransında deyib.
Onun sözlərinə görə, bank neft və qeyri-neft sektorlarında Azərbaycanla əməkdaşlığın inkişafında maraqlıdır.
S.Çakrabarti bildirib: "Biz "Cənub Qaz Dəhlizi" layihəsində iştirakda çox maraqlıyıq, lakin anlayırıq ki, ölkə iqtisadiyyatının şaxələndirilməsi üçün iqtisadiyyatın qeyri-neft sektoruna böyük investisiyalar qoymaq vacibdir. Biz Azərbaycanın qeyri-neft sektoruna sərmayə qoyuruq və bu prosesi davam etdirməyə hazırıq".