Bakı. Trend:
Avropa Yenidənqurma və İnkişaf Bankı (AYİB) Azərbaycan Beynəlxalq Bankının (ABB) səhmdarı ola bilər.
Trend-in məlumatına görə, bu barədə AYİB-in prezidenti Suma Çakrabarti deyib.
O qeyd edib ki, Avropa Yenidənqurma və İnkişaf Bankı Azərbaycan Beynəlxalq Bankının yenidən qurulmasına və profilinin dəyişdirilməsinə kömək etməkdən şad olacaq.
S.Çakrabarti bildirib ki, eyni zamanda, ABB-nin korporativ idarəetməsində islahat aparılarsa, AYİB Azərbaycan bankının səhmdarı olmaq məsələsi barədə düşünə bilər.