...

Azərbaycan hökuməti 2021-ci ilədək ÜDM-in sabit artımını gözləyir

Biznes və iqtisadiyyat xəbərləri Materials 20 Oktyabr 2017 14:00 (UTC +04:00)
Azərbaycan hökuməti 2018-ci ildə ölkənin ümumi daxili məhsulunun (ÜDM) real artımını 1,5 faiz həcmində proqnozlaşdırır.
Azərbaycan hökuməti 2021-ci ilədək ÜDM-in sabit artımını gözləyir

Bakı. Azad Həsənli - Trend:

Azərbaycan hökuməti 2018-ci ildə ölkənin ümumi daxili məhsulunun (ÜDM) real artımını 1,5 faiz həcmində proqnozlaşdırır.

Trend-in məlumatına görə, bu barədə 2018-ci il və növbəti 3 il üçün dövlət və icmal büdcə layihələrində bildirilir.

Sənədə əsasən, gələn il Azərbaycanın ÜDM-nin 69,4 milyard manat olacağı gözlənilir. ÜDM-də qeyri-neft sektorunun payının 2,9 faiz artaraq 47,6 milyard təşkil edəcəyi gözlənilir.

Azərbaycan ÜDM-nin 83 faizinin özəl sektorda formlaşacağı gözlənilir.

2016-cı ildə ölkənin ÜDM-i 3,1 faiz azalmışdı. Bu il ölkə iqtisadiyyatının 0,3 faiz artacağı və artımın 2021-ci ilədək davam edəcəyi gözlənilir.

2017-2021-ci illərdə Azərbaycan ÜDM-nin artımı üzrə hökumətin proqnozu

2017-ci il

2018-ci il

2019-cu il

2020-ci il

2021-ci il

ÜDM-in həcmi (milyard manatla)

68,164

69,396

72,727

77,403

81,053

Real ÜDM (%-lə)

0,3

1,5

1,4

3,7

2,9

2018-ci il Azərbaycanın dövlət büdcəsinin gəlirləri 20,127 milyard manat (o cümlədən mərkəzləşdirilmiş gəlirlər - 19,476 milyard manat, yerli - 650,671 milyon manat), xərcləri 20,905 milyard manat (o cümlədən mərkəzləşdirilmiş xərclər - 20,182 milyard manat, yerli - 724,092 milyon manat) səviyyəsində proqnozlaşdırılır.

2018-ci il dövlət büdcəsində neftin qiyməti ilə bağlı proqnoz 45 dollar/barel təşkil edir.

Məqalədə:
Xəbər lenti

Xəbər lenti