Bakı. Azad Həsənli - Trend:
Azərbaycanda bankların top-menecerlərinin orta əmək haqqı 8-10 min manat təşkil edir.
Trend-in məlumatına görə, bunu Azərbaycan Banklar Assosiasiyasının (ABA) sədri Zakir Nuriyev UNEC2B əmək bazarı platformasının təqdimatı mərasimində deyib.
Onun sözlərinə görə, bu, ABA-nın bank bazarında keçirdiyi sorğunun nəticəsində məlum olub.
Z.Nuriyev bildirib: “Əmək haqqının bu səviyyəsi beynəlxalq bank bazarı baxımından kifayət qədər rəqabətqabiliyyətli hesab olunur”.