...

“UnionPay International”ın regional baş direktoru Bakıda çıxış edəcək

Biznes və iqtisadiyyat xəbərləri Materials 19 Fevral 2018 15:45
Zhang Chengdong Beynəlxalq Bankçılıq Sərgi-Konfransında spiker kimi çıxış edəcək.
“UnionPay International”ın regional baş direktoru Bakıda çıxış edəcək

Trend-i buradan izləyin

Bakı. Trend:

“UnionPay International”ın Mərkəzi Asiya və Qafqaz üzrə baş direktoru Zhang Chengdong 17-18 aprel tarixlərində Bakıda baş tutacaq regional “Rəqəmsal bankçılıq və təhlükəsizlik” mövzulu Beynəlxalq Bankçılıq Sərgi-Konfransında spiker kimi çıxış edəcək.

Şirkətdən Trend-ə verilən məlumata görə, Zhang Chengdong öz professional karyerasına 1998-ci ildə ZTE şirkətinin regional meneceri olaraq başlayıb, 2003-cü ildə o öz təcrübəsini “Alcatel”ə daşıyıb və 2012-ci ildə Mərkəzi Asiya və Qafqaz üzrə baş direktor kimi “UnionPay International”a qatılıb. Maliyyə və telekommunikasiya sahəsində 20 ildən çox təcrübəsi nəticəsində, o ödəniş metodları və innovativ bank həllərinin tətbiqi sahəsində ekspert olub.

Çinin “UnionPay“ şirkətinin tərkib hissəsi olan “UnionPay International” global səviyyəli maliyyə təşkilatıdır. Azərbaycan da daxil olmaqla dünyanın 162 ölkəsində ödəniş sistemi kimi qəbul edilən “UnionPay International”ın ümumi kartlarının sayı 6 milyarddan çoxdur. “UnionPay International” yüksək keyfiyyətli, sərfəli və təhlükəsiz ödəniş sistemi təminatçısıdır.

Tədbir çərçivəsində maliyyə texnoloji avadanlıqların, proqram təminatlarının, bank avtomatlaşdırma sistemlərinin nümayiş sərgisi olacaq. Müasir ödəmə və identifikasiya vasitələri, biometrik ATM ilə yanaşı, "Unionpay", "AliPAY"(ALİBABA), "VİSA", "Mastercard" kimi maliyyə xidmətləri şirkətlərinin yeni innovativ təqdimatları gözlənilir.

Konfrans "Azərbaycan Respublikasında maliyyə xidmətlərinin inkişafına dair Strateji Yol Xəritəsi"nin tədbirlər planına istinad olaraq bankların rəqəmsal transformasiyasının sürətləndirilməsi üçün tənzimləmə mexanizminin təkmilləşdirilməsi istiqamətində görüləcək işlərin bir hissəsidir və "FA International Trade Events" (www.futureadvantage.events) şirkətinin təşkilatçılığı ilə keçirilir.

Tədbir haqqında daha ətraflı məlumatı keçid vasitəsi ilə əldə edə bilərsiz.

https://www.youtube.com/watch?v=T66FYZgAbyE

Məqalədə:
Xəbər lenti

Xəbər lenti