Bakı. İlkin Şəfiyev - Trend:
Azərbaycanla Rusiya arasında dəmir yolu ilə daşımaların həcmi ötən illə müqayisədə 18 faiz artaraq 6 milyon tonu ötüb.
Trend-in məlumatına görə, bunu 9-cu Azərbaycan-Rusiya Regionlararası Forumu zamanı “Rusiya Dəmir Yolları” ASC-nin baş direktorunun birinci müavini Aleksandr Mişarin deyib.
O bildirib ki, iki ölkə arasında avtomobil nəqliyyatı ilə daşımalar 31 faizdən çox artıb: "Aviadaşımaların həcmi də artacaq. Bizim müzakirə edilməli olan çox işimiz və yaxşı perspektivlər var".
"Şimal-Cənub" layihəsindən danışan A.Mişarin qeyd edib ki, bu layihəyə maraq artır:
"Hazırda Rusiya Azərbaycan vasitəsilə Türkiyəyə və digər ölkələrə kömür tədarükü imkanını nəzərdən keçirir".