Bakı. Trend:
Argentinada may ayında inflyasiya 7,8 faiz təşkil edib.
Trend xəbər verir ki, bu barədə ölkənin Statistika və Siyahıyaalma İnstitutu məlumat yayıb.
Məlumata əsasən, ilin əvvəlindən inflyasiya 42,2 faizə çatıb. "2023-cü ilin may ayında istehlak qiymətləri indeksinin ümumi səviyyəsi 7,8%, ilin əvvəlindən ümumi artım isə 42,2% təşkil edib. Ötən ilin müvafiq ayı ilə müqayisədə artım 114,2% olub", - deyə məlumatda bildirilir.
Qeyd edək ki, Argentina bir neçə ildir ki, yüksək inflyasiyadan əziyyət çəkir.