Azərigazbank Səhmdar-investisiya Bankı Malayziyanın İxrac-İdxal Bankının ticarət maliyyələşməsi üzrə kredit xəttinin ilk tranşını alıb. Buraya akkreditivlərin dəstəklənməsi, zəmanətlərin verilməsi və s. daxildir. Bankın İdarə Heyətinin sədri Azər Mövsümovun Trend ə verdiyi məlumata görə, ümumi həcmi 3 milyn. dollar olan kredit xəttindən Azərigazbank-ın aldığını birinci tranşın ümumi həcmi 1,5 milyn. dollardır.
"Onun istifadə edilməsindən sonra kreditin ikinci tranşı alınacaq. Azərigazbank artıq bu xəttin hesabına maliyyələşdirmə üçün layihələrin razılaşdırılmasına başlayıb. Layihələrin nəzərdən keçirilməsi Eksimbankın ixracını maliyyələşdirməyə hazır olduğu mallara müvafiq aparılacaq. Hələlik palma yağının idxalı layihəsi razılaşdırılıb ", - deyə A.Mövümov bilidib.
Yayın ortalarında haqqında razılaşma imzalanan kredit xətti ticarət maliyyələşməsi ilə yanaşı, həm də postmaliyyələşməni nəzərdə tutur. Xətt çərçivəsində hər bir layihə 2 ilə qədər müddətə maliyyələşdirilə bilər.
