Əmək və Əhalinin Sosial Müdafiə Nazirliyi sentyabrın 9-da Tovuz və Xanlarda yarmarka keçirib. Nazirliyin baş məşğulluq idarəsindən Trend ə verilən məlumata görə, nəticədə 126 nəfər işlə təmin olunub.
İdarədə o da qeyd olunub ki, təkcə Tovuzda 83 nəfər işlə təmin olunub. Onların 57-si özəl müəssisələrdə çalışacaq. Yevlaxda isə 181 nəfər işlə təmin olunub (124 nəfər özəl müəssisədə işə düzəlib). Bundan başqa, Tovuz rayonunda 12 nəfər hazırlıq kurslarına cəlb olunub. Tovuzda 14 nəfər, Yevlaxda isə 23 nəfər ödənilən ictimai işlərə cəlb edilib.
Qeyd etmək lazımdır ki, keçirilmiş tədbirlər zamanı Tovuzda 28 müəssisə 137, Yevlaxda isə 40 müəssisə 654 iş yerinə işçi qəbulu keçirib.
Növbəti əmək yarmarkası sentyabrın 17-də Ağdaş rayonunda, daha sonra isə Xızı, Əli-Bayramlı, Sumqayıt və Mingəçevirdə keçiriləcək.
