Sentyabrın 19-da İstanbulda Azərbaycan, Gürcüstan və Türkiyənin işçi qrupunun Qars-Ahalkalaki -Tbilisi- Bakı dəmiryolunun tikintisi layisəi çərçivəsində iclası başlayıb.
Azərbaycan Dövlət Dəmiryolu İdarəsinin (ADDİ) mətbuat xidmətinin rəisi Nadir Əzməmmədovun Trend ə verdiyi məlumata görə, bu ölkələrin nəqliyyat nazirlərinin görüşünün sentyabrın 20-21-də keçirilməsi nəzərdətutulub.
İclavsda iştirak etmək üçün Azərbaycanın nəqliyyat naziri Ziya Məmmədov və ADDİ-nin sədri Arif Əskərov artıq Türkiyədədirlər. İşçi qrupları nazirlərin görüşündə müzakirə olunacaq məsələləri müəyyən edəcək və razılaşdıracaqlar.
N.Əzməmmədov qeyd edib ki, 3 ölkənin işçi qruplarınazirlərin iclasında imzalanacaq layihənin idarə olunması üzrə konsorsiumun yaradılması barədə razılaşma sənədlərinin sonuncu variantını hazırlayırlar.
İclasın gündəliyində layihə- axtarış, texnik-iqtisadi və marketinq tədqiqatları üzrə, tərəflərin layihəni maliyyələşdirməsi və layihədə maraqlı olan digər ölkələrin investorlarının və dəmir yollarının maliyyə vəsaitlərinin cəlb edilməsi, bu xəttin və gələcəkdlə yeni dəmiryol xəttlərinin tikintisi üzrə birgə müəssisələrin (səhmdar cəmiyyətlərin və ya konsorsiumun ) yaradılması, Birgə Müəssisələrin (BM) təşkilat-hüquqi formalarının təsdiqi və tərəflərdən hər birinin Nizamnamə kapitalının ilkin ölçüsü, böyüklüyü və forması və digər məsələlər müzakirə ediləcək.
Qeyd edək ki dəmiryol xəttinin uzunluğu 98 km təşkil edir. Onun 68 km Türkiyə ərazisində, 30 km-i isə Gürcüstan ərazisindədir. İlkin hesablamalara görə, Qars-Ahalkalaki-Tbilisi-Bakı dəmiryolu xətti layihəsi üçün 400 milyn. dollar, eləcə də, Qarsdan Ahalkalakiyə qədər olan xətt üçün 250 milyn., Ahalkalakidən Tbilisiyə qədər xətt üçün 150 milyn. dollar tələb olunur.