Sentyabrın 29-da Quba rayonunda AR nəqliyyat nazirliyi və Avropa yenidənqurma və inkişaf bankı (AYİB) arasında Bakı-Samur (Rusiya sərhədi) avtomobil magistralının yenidən qurulması layihəsinin maliyyələşdirilməsi üzrə kredit sazişi imzalanacaq.Bu barədə Trend ə nəqlityyat nazirliyinin katibi Namiq Həsənov bildirib.Onun sözlərinə görə, Azərbaycan tərəfdən sənədi AR nəqliyyat naziri Ziya Məmmədov imzalayacaq. AYİB həmin magistralın Sumqayıtdan Zarat qəsəbəsinədək yolunun modernləşdirilməsi və yenidən qurulmasının maliyyələşdirilməsi layihəsinə $100 mln. ayıracaq. Bank krediti 15 il müddətinə 3 iilik güzəştlə və LIBOR+1% dərəcəsi ilə ayırır. Bakı-Samur magistralının ümumi uzunluğu təxminən 197 km.-dir.AYİB bu yolu 28 km-dən 89 km.-dək maliyyələşdirir.Qalan sahənin maliyyələşdirilməsini Çexiyanın Eximbank-ı həyata keçirəcək.Bank layihənin gerçəkləşdirilməsinə 14 il müddətinə 4 illik güzəştlə, LIBOR+0,6% faiz dərəcəsi ilə $180 mln. həcmində kredit ayırır.Layihənin ümumi dəyəri $280 mln. olaraq qiymətləndirilir.
AYİB yardımının alıcısı Nəqliyat nazirlyinin yol-nəqliyyat xidmətləri Departamentidir. Bu idarə ölkədəki avtomobil yollarının 18,723 min kilometrini idarə edir və xidmət göstərir.Layihə çərçivəsində departamentin 4-6 regional şöbəsi yaradılacaq, xidmət haqqında (service level agreement) saziş tətbiq ediləcək ki, bu da yol işinə yerli potensialın cəlb edilməsinə imkan verəcək.Belə müqavilələrin paylaşdırılmasına nəzarət yol məsləhətləşmələri Şurası (Road Advisory Board) tərəfindən həyata keçiriləcək. Müqavilələrin işlənib-hazırlanması üçün texniki yardım cəlb ediləcək.
