Beynəlxalq Airbus Industries (baş səhmdarı EADC Avropa aerokosmik konsernidir) aviasiya konserninin istehsalı olan ikinci A319 aerobusu oktyabrın 25-də Bakıda olacaq. Bu barədə Trend ə AZAL Dövlət konserni sədrinin birinci müavini Sabir İlyasov bildirib.
Üçüncü və dördüncü təyyarələr ölkəyə 2006-cı ilin ortalarında gətiriləcək. AZAL dövlət konserninin aldığı təyyarələr beynəlxalq marşrutlarda reyslər həyata keçirəcək. Cari ilin sentyabrın 2 -də ilk belə təyyarə Hamburqdan Bakıya gətirilib.
Ötən il AZAL "A320" aerobusu alıb və texniki heyətin təlimi üçün istifadə olunur.
AZAL və AIRBUS arasında dörd təyyarənin alınması üzrə müqavilə 2004-cü ilin avqustunda Berlində imzalanıb. Müqavilənin dəyəri170 mln. dollar təşkil edir.Yeni təyyarələrin alınması ölkənin mülki aviasiya sisteminin inkişafı proqramı çərçivəsində həyata keçirilir.
