Azərbaycanın Milli bankı (AMB) qısamüddətli notların yerləşdirilməsi üzrə hərrac keçirib. Bakı fond birjasında (BFB) Trend ə bildirilib ki, AMB-nin 50100911S dövlət qeydiyyat nömrəli qısamüddətli notları hərraca çıxarılıb.
Emissiyaların həcmi qiymətli kağızın hər bir nüsxəsinin 1 mln. manata bərabər olmaqla nominal üzrə 30 mlrd. manat təşkil edir.
Notların tədavül müddəti 28 gün təşkil edir, ödənmə müddəti isə 21 dekabra planlaşdırılıb.
Hərracda 99,08% (11,94%)-99,09% (11,81%) qiymət diapazonunda 23 395 mln.manat məbləğində ərizə vermiş 5 sərmayəçi iştirak edib.
AMB-nin qərarı ilə kəsmə qiyməti 99,08% (11,94%), orta qiymət - 99,08% (11,94%) təşkml edib.
Beləliklə, 2005-ci ildə AMB 48 buraxılış vasitəsilə 1365 mlrd. manat (ildə qeydiyyata alınmış 2 trln. manat emissiyanın 68,75%-i) not satışa çıxarıb və 48 buraxılış vasitəsilə yalnız 782,441 mlrd. manat cəlb edib.
