AYİB oktyabrın 14-də Bakıda Bank of Baku səhmdar-kommersiya bankının kapitalında 25% və 1 aksiyanın alınmasına dair imzalanmış saziş çərçivəsində razılaşmanın əldə olunmasına hazırlığı başa çatdırır. AYİB-in maliyyə institutları üzrə biznes-qrupunun direktoru Kurt Gayger (K.Geiger) Trend ə bildirib ki, hazırda AYİB-in Azərbaycan bankının kapitalına və aksiyaların ödənməsinə daxil olması üçün sənədlərin hazırlanması prosesi başa çatır.
Gözlənildiyi kimi, Bank of Baku artıq gələn həftə aksiya paketinin Avropa bankına satılmasına icazə üçün AMB-yə müraciət edəcək. İcazə alındıqdan sonra qanuna müvafiq olaraq Bank of Baku ədliyyə nazirliyinə səhmdarların tərkibində dəyişikliklər edilməsi üçün müraciət etməli və bundan sonra aksiya satışı üzrə sazişi başa çatdırmaq olar.
Bank of Baku hələlik AYİB-ə satılacaq aksiyaların yeni emissiyasının prospektini qiymətli kağızlar üzrə Dövlət komitəsində qeydiyyata salıb. Emissiyaların həcmi bir aksiyanın 10 min manat nominalı ilə 11333,35 mln. manat təşkil edir.
AYİB sövdələşməyə $5 mln. ayırıb, bundan $4,5 mln. nominal qiymət üzrə aksiyaların alınmasına və bankın ümumi kapitalına yönəldiləcək, qalan $0,5 mln. isə bankın Avropa birliyinin Tacis proqramı ilə birgə texniki yardımına yönəldiləcək.
