Azərbaycanlı mütəxəssis ABŞ Beynəlxalq İnkişaf Agentliyinin BASİS birgə tədqiqatlarına dəstək proqramı çərçivəsində təşkil etdiyi "Tranzit iqtisadiyyatda aqrar sektorun rəqabətə davamlıvğının artırılması" adlı konfransda iştirak edəcək. Tədbirdə Azərbaycan tərəfini Kənd Təsərrüfatı Nazirliyinin aqrar islahatlar və sahibkarlığın inkişafı şöbəsinin müdiri İslam İbrahimov təmsil edir.İ,İbrahimovun Trend ə verdiyi məlumata görə, konfrans dkabrın 1-dən -3-nə kimi Budapeştdə keçiriləcək.
Konfransda Kənd Təsərrüfatının nümayəndəsi "Azərbaycanda aqrar islahatların səmərəliliyi" barədə məruzə ilə çıxış edəcək.
Konfransın əsas məqsədi kənd təsərrüfatı məhsulları sektorunun rəhbərləri, tədqiqatçılarla aqrar siyasətinin təkmilləşdirilməsi yollarının və MDB ölkələrində iqtisadi artımın stimullaşması üçün kənd təsərrüfatı istahsalının məhsuldarlığının artırılması barədə geniş müzakirələr aparmaqdır.
Konfransa bir gün qalmış iştirakçıların Budapeşt ətrafındakı kənd təsərrüfatı istehsalı müəssisələrinə baş çəkməkdir.
Ümumilikdə, tədbirin işində Azərbaycanla yanaşı Rusiya, Qazaxıstan, Moldova, Belorus, Gürcüstan və digər ölkələrin nümayəndələri də iştirak edəcək.
