Dekabrın sonu-2006-cı il yanvarın əvvəlində Küveyt İqtisadi İnkişaf Fondunun Direktorlar Şurasında Kürdəmir-Ucar avtomobil yolunun tikintisi layihəsinin təsdiqlənməsi gözlənilir. Trend ə bu barədə hökumətdən məlumat verilib.
Küveyt fondunun vəsaiti hesabına layihənin 75%-ni maliyyələşdirmək nəzərdə tutulub. Qalan 25% isə hökumətə qalacaq. Fond 4,2 mln Küveyt dinarı ($14 mln) məbləğində kredit ayırmağa hazırdır.
Adətən KİİF krediti 5 illik güzəşt dövrü və 2%-lə 20 il müddətinə ayırır. Kredit Direktorlar Şurasında təsdiqləndikdən sonra son şərtlər müəyyənləşdiriləcək.
Kürdəmir-Ucar avtomobil yolunun uzunluğu 46 km-dır. Bu yol Bakıdan Gürcüstan sərhədinə kimi avtomobil magistralının bir hissəsidir.
