Dekabrın 1-nə olan vəziyyət üzrə Azərbaycanda 700 ton yaşıl çay yarpağı yığılıb ki, bu da 2004-cü ilin analoji dövrü ilə müqayisədə 200 ton azdır. Trend in Dövlət Statistika Komitəsinə istinadən xəbər verdiyi kimi, yığım 3,7 min ha əkin sahəsində həyata keçirilib.
Bu il hər hektardan 1,8 sentner məhsul götürülüb. Ötən il bu göstərici 2,5 sentner təşkil etmişdi.
2005-ci il ərzində yaşıl çay yarpağının yığım göstəricisi 1100 min həcmində müəyyən edilmişdi.
Qeyd edək ki, Azərbaycanda çay Lənkəran, Astara, qismən də Masallı, Zaqatala və Lerikdə becərilir.
