Bu həftə İsveçrənin Blue Orchard Mikromaliyyə Fondu Azərbaycan Mikromaliyyələşdirmə Bankına $1 mln həcmində kredit ayırıb. Bu barədə Trend ə bankın idarə heyətinin sədri Tomas Engelhardt bildirib. Bank və Fond arasında kredit müqaviləsi ötən həftə imzalanıb. AMMB Blue Orchard fondunun kredit ayırdığı ilk Azərbaycan bankıdır.
Kredit ehtiyatları respublikada mikro və kiçik biznesin maliyyələşdirilməsinə yönəldiləcək. Kredit 3 il müddətinə ayrılıb, onun mənimsənilməsi isə iki ay ərzində başa çatacaq. T.Engelhardtın sözlərinə görə, 2006-cı il yanvarın sonuna kimi bu prosesin başa çatması nəzərdə tutulub.
Kreditin ayrılması şərtləri standartdır. Bank mikro və kiçik sahibkarlığa iki aydan 36 aya qədər olan müddətə və illik 18-36% -lə kredit ayırır.
