...

Sumqayıt şəhərinin ümumi planı təzələnməlidir

Biznes və iqtisadiyyat xəbərləri Materials 23 Dekabr 2005 19:23 (UTC +04:00)

Sumqayıt şəhərinin ümumi planına yenidən baxılmalıdır. Buna səbəb planda nəzərdə tutulmuş yaşayış massivinin azalmasıdır. Bu barədə Trend ə Sumqayıt bələdiyyəsinin sədri Əbülfəz Babayev məlumat verib. Onun sözlərinə görə, şəhər İcra hakimiyyətinin tapşırığı ilə bu istiqamətdə işlər görülür.

Yeni ümumi plan gələcək inkişaf pesrpektivləri nəzərə alınmaqla işlənib hazırlanacaq. "Sənaye müəssisələrini genişləndirmək lazımdır, lakin yaşayış masivvləri tikmək qeyri-mümkündür. Bununla əlaqədar biz yerlərin ayrılması ilə bağlı müvafiq icra hakimiyyəti orqanlarına müraciət etmişik", - deyə o qeyd edib. Ə.Babayevin sözlərinə görə, Sumqayıtda əhalinin sıxlıq səviyyəsi yüksək olduğundan, xüsusi evlərin inşası və kənd təsərrüfatı ilə məşğul olmaq üçün əhaliyə qonşu rayonlarda torpaq sahələri ayırmaq məqsədəuyğun olardı.

"Biz bu məsələ ilə bağlı Abşeron, Xızı və Siyəzən rayon İcra Hakimiyyətlərinə müraciət etmişik. Abşeron İB-lə ilkin şifahi razılıq əldə olunub", - deyə bələdiyyə sədri əlavə edib.

Ə.Babayev hesab edir ki, şəhərdə əhalinin yüksək sıxlığı ilə əlaqədar mümkün olan yerlərdə çoxmərtəbəli binalar tikilməlidir. Həmçinin, istismar müddəti bitmək üzrə olan köhnə "fin" evlərinin sökülməsi gözlənilir, onların yerində isə çoxmərtəbəli binalar inşa edilə bilər. "Bu məsələlər ümumi planda öz əksini tapacaq", - deyə Ə.Babayev əlavə edib.

Xəbər lenti

Xəbər lenti