Bu aydan etibarən "Respublika" səhmdar-kommersiya bankı Avropa Yenidənqurma və İnkişaf Bankının (AYİB) mikro və kiçik sahibkarlığını inkişafı proqramı çərçivəsində kredit xəttini mənimsəməyə başlayıb. Bu barədə Trend ə Bankın İdarə Heyətinin səlahiyyətlərinin icraçısı Asəf Zeynalov məlumat verib. AYİB-lə Azərbaycan bankı arasınd 2 mln dollar həcmində kredit xəttinin açılması barədə razılaşma 2005-ci il dekabrın 19-da imzalanıb.
A.Zeynalovun sözlərinə görə, kredit xəttinin vəsaitlərinin mənimsənilməsi 5-6 ay ərzində nəzərdə tutulub. "İstiqrazların məbləği böyük deyil, müştərilərin miqdarı isə böyük olacaq. Ona görə də mənimsəmə o qədər də tez baş tutmayacaq", - deyə bankın rəhbəri bildirib.
Bu zaman bank üçün prioritetlər regionlarda layihələrin maliyyələşdirilməsi olacaq. Onun sözlərinə görə, Bakı üçün kreditlər $10 mindən $20 minə qədər nəzərdə tutulub. Lakin Avropa Bankı əsas vəsaitlərini regionlarda yenrləşdirməyi nəzərdə tutur. Real ərizələr artıq artıq "Respublika" bankının Quba filialında nəzərdə keçirilir.
"Respublika" bankına kreditlər 4 il müddətinə verilib. Bankın kreditlər üzrə faiz dərəcəsi libor+4,5% təşkil edir. Hər bir borc alan üçün kreditin minimal məbləği $100, maksimal məbləği isə $100 min təşkil edir.
