2006-cı ilin II yarısında Azərbaycanda kənd təsərrüfatının inkişafı və kreditləşdirilməsi layihəsinin ikinci fazasının təsdiq ediləcəyi gözlənilir. Bu barədə Trend ə hökumətdə bildirilib. Dünya bankı (DB) ötən ilin sonunda həmin layihənin işlənib-hazırlanmasına və qiymətləndirməsinə başlayıb. Bu, artıq $33,6 mln. dəyərində mövcud layihənin davamı olacaq. Maliyyələşdirmə uyğunlaşdrılmış "kənd təsərrüfatının inkişafı və kreditləşdirilməsi" proqramı çərçivəsində həyata keçirilir və bank bu məqsədlə $100 mln. təqdim edəcək.
Aparılmış danışıqlar çərçivəsində Azərbaycan hökuməti və DB layihənin ikinci fazası ilə bağlı kreditin artırılması barədə razılıq əldə edib. Eyni zamanda ölkənin tələbatı nəzərə alınaraq üstünlük məhsulların, emal müəssisələrinin, lizinqə dəstək saxlanılmaqla müəssisənin yaradılmasına veriləcək.Birinci fazada olduğu kimi, torpaq reyestrinin yaradılması prioritet olaraq qalır. Pilot kimi Naxçıvanda reyestr yaradılıb, indi isə bunun respublika üzrə həyata keçirilməsi nəzərdə tutulur.
DB-nin ikinci fazanın gerçəkləşdirilməsi üçün krediti, birincidə olduğu kimi, $30 mln. həcmində gözlənilir.
