Azərbaycanın Milli Bankı (AMB) yanvarın sonu - fevralın əvvəlinədək Azərbaycan İpoteka fondunun (AİF) bank-agentlərinin siyahısını açıqlamağı planlaşdırır. Fondun icraçı direktoru Faiq Məmmədov Trend ə bildirib ki, bankların ipoteka kreditləri vermək hazırlığından asılı olaraq kredit institutlarının son siyahısı formalaşdırılacaq. İlkin olaraq bank-agentlər kimi 15 bankın və bir qeyri-bank təşkilatının (Shore Overseas) seçilməsi barədə bəyan edilmişdi. Amma AİF rəhbərinin qeyd etdiyi kimi, banklar ipoteka kreditləşdirilməsinə başlamağa hazır olduğunu bildirməlidir. Bank seçiminin əsas meyarları həmin bankların aktivləriÖ kapitalı, xidmət sahəsi, o cümlədən həyata keçirilən kredit əməliyyatları idi.
F.Məmmədovun sözlərinə görə, hazırda tələblərin müəyyən edilməsi və kreditlərin verilməsi normaları, əməliyyat təlimatlarının hazırlığı ilə bağlı işlər aparılır. Girovların qiymətləndirilməsi üçün müstəqil qiymətləndiricilər cəlb edilməlidir, buna görə də İpoteka fondunun işi bu istiqamətdə qurulur, çünki respublikada həmin institut normal inkişaf almayıb. Banklar və qeyri-bank kredit təşkilatları özləri kreditləşdirmədə girovları qiymətləndirir. Bununla əlaqədar olaraq F.Məmmədov ilk kreditlərin veriləcəyi dəqiq tarixi deməkdə çətinlik çəkdi, çünki bu hələ kredit götürənlərin müvafiq sənədlər hazırlaması səviyyəsindən asılı olacaq.
AİF-in sərəncamında 2005-5006-cı ilin dövlət büdcəsindən ayrılmış 130 mlrd. manat həcmində vəsait vardır. Prezidentin sərəncamına əsasən, bir kredit götürən üçün limit 30 min yeni manatadək təşkil edir. Bundan öncə F. Məmmədov bildirmişdi ki, bu il ərzində 1000-dək ipoteka kreditinin verilməsi gözlənilir. Gələcəkdə ipoteka kreditinə böyük tələbatı nəzərə alaraq işlər qaydaya salındıqdan sonra əlavə maliyyələşdirmə mənbələrinin cəlb ediləcəyi ehtismal olunur. Fond haqqında əsasnaməyə əsasən, büdcə vəsaitləri ilə yanaşı, qrant və kreditlər də cəlb edilə bilər. Fond həm də qiymətli kağızlar emissyiası istehsal etmək hüququna malikdir və kreditlərdən alınan faizlər də gələcək maliyyələşdirmə üçün istifadə olunacaq.