Azərdəmiryolbankın brokser fəaliyyəti üzrə lisenziyasının ləğv edilməsi onun fond bazarında fəal əməliyyatlarının ADB Broker törəmə şirkətində aparılması ilə əlaqədardır. Bu barədə Trend ə Dövlət Komitəsinin Qiymətli Kağızlar şöbəsinin rəisi Fuad Şahvəliyev məlumat verib. Onun sözlərinə görə, bu, normal haldır və bu fakt fond bazarının peşəkar iştirakçısı olan bank tərəfindən yol verilmiş pozuntularla bağlı deyil.
Bundan başqa ADB Broker keçən il brokser və diler fəaliyyəti üzrə lisenziya alıb. Qiymətli kağızlar bazarının peşəkar iştirakçıları üçün əsas şərt şirkətdə sertifikata malik ixtisaslaşdırılmış 3 əməkdaşın olmasıdır.
Məhz bu tələbin pozulması ilə əlaqədar keçən il Mars Investment şirkətinin broker fəaliyyəti ilə bağlı lisenziyası geri alınmışdı. Lakin QKDK-nın sədri Gündüz Məmmədov bildirib ki, şirkətin iki əməkdaşı peşəkar fəaliyyət sertifikatı aldığından onun lisenziyası bərpa olunub.
2005-ci il ərzində QKDK QK bazarında peşəkar fəaliyyətin həyata keçirilməsi üçün 5 lisenziya verib. Bundan başqa 17 attestasiya keçirilib və nəticədə 39 sertifikat verilib.
Bu gün broker fəaliyyəti ilə lisenziyaya malik 12, diler fəaliyyəti ilə - 11, depozitar fəaliyyətlə - 3, QK sahiblərinin reyestrinin aparılması, QK-nı idarə etmə və klirinq fəaliyyətləri ilə isə 1 hüquqi şəxs məşğul olur.