Maliyyə Nazirliyi prezidentin 2006-cı il 31 yanvar tarixli sərəncamına müvafiq olaraq büdcə vəsaitlərindən məqsədəuyğun istifadə üzrə Dövlət Proqramı layihəsini hazırlayıb. Trend in məlumatına görə, fevralın 21-də maliyyə naziri Əvəz Ələkbərov bildirib ki, proqramda yeni normativ sənədlərin işlənməsi, hüquqi bazaya dəyişikliklərin edilməsi və müvafiq büdcə təşkilatlarının məsuliyyətinin artırılması nəzərdə tutulub.
Bülcə vəsaitlərinin məqsədəuyğun istifadəsinə nəzarət məqsədi ilə Maliyyə Nazirliyi büdcə təşkilatlarında təftişlər həyata keçirir. 2005-ci ildə Nazirlik 63 kompleks yoxlama aparıb ki, onların 40-ı Nazirliyin təsdiqlədiyi qrafik, digərləri isə məhkəmə qərarları əsasında həyata keçirilib. Yoxlamalar rayonlarda, diplomatik korpuslarda, universitetlərdə, dövlətin zəmanəti altında alınan kreditlərin istifadəsi üzrə aparılıb. Təftişlər nəticəsində dövlət büdcəsinə əlavə olaraq təxminən 6 mlrd.manat vəsait daxil edilib. Nazirin sözlərinə, əsas problemlər qiymətlərin əsassız olaraq şişirdilməsi, tender şərtlərinin pozulmasımühasibat uçotunun hazırki vəziyyəti, mühasiblərin və müvafiq büdcə təşkilatlarının rəhbərlərinin məsuliyyətinin kifayət qədər yüksək səviyyədə olmaması ilə bağlıdır. Lakin son yoxlamalar artıq müsbət nəticələrin olduğunu və təsərrüfat və büdcə təşkilatlarında 2-3 ildən sonra bu cür pozuntuların olmayacağını göstərir.
Bundan sonra MN dövlət müəssisələrinin əvvəlcədən hazırlaşması və məsuliyyətlərini artğırmaları üçün hər il yoxlamaların qrafikini dərc etməyi planlaşdırır.
Ə.Ələkbərovun sözlərinə görə, martın 10-na kimi 2006-cı il üzrə yoxlamalırn qrafiki elan ediləcək. Həmin qrafikə görə, təxminən 25 rayonun büdcəsində Nazirlik tərəfindən yoxlamalar aparılacaq. Bu siyahıya Bakı üzrə (Xətai, Əzizbəyov, Suraxanı, Binəqədi), İmişli, Ağdam, Zərdab, Gədəbəy, Siyəzən, Saatlı, Lənkəran, Masallı, Şamaxı, Əlibayramlı, Daşkəsən, Astara, Daşkəsən, Lerik, Goranboy, Şəmkir, Fizuli, Kəlbəcər, Cəbrayıl, Tovuz, Zəngilan daxildir. Nazir problem yaranacağı halda qrafikə daxil olmayan digər rayonlarda da yoxlamalırn aparılacağını istisna etməyib.
