...

Asiya İnkişaf Bankı 2007-10-cu illər üzrə Azərbaycana yardım strategiyasını payızda təsdiqləyəcək

Biznes və iqtisadiyyat xəbərləri Materials 23 Fevral 2006 14:19 (UTC +04:00)

Asiya İnkişaf Bankının (AİB) Direktorlar Şurası Azərbaycana 2007-10-cu illər üzrə yeni strategiya və yardım proqramını 2006-cı ilin noyabrına kimi təsdiqlənməsini planlaşdırıb. Bu barədə Trend ə AİB-nın Bakı nümayəndəliyinin rəhbəri Metyu Vestfol məlumat verib. Ölkənin qiymətləndirilmə strategxiyası üzrə hökumətlə müzakirələr davam etdirilir və fevralın 23-də özəl sektorun qiymətləndirməsi hesabatının təqdimatı üzrə mərasim də buna həsr olunub.

Strategiya iki hissədən - dövlət və özəl sektorun maliyyələşdirilməsindən ibarətdir. AİB 3 il ərzində dövlət sektoru üçün $187,5 mln. özəl sektor üçün isə $15 mln. ayırıb. "İlkin proqnozlar qarşıdakı 3 ildə də belə analoji həcmlərin ayrılacağını göstərir. Danışıqlardan asılı olaraq bu məbləğ arta və ya azala bilər", - deyə nümayəndəliyin rəhbəri bildirib.

$187,5 mln.-dan yol tikintisi üçün $100 mln., uşaqların məktəbəqədər inkişafı üçün $20 mln., sosial infrastruktur üçün $10 mln., elektrik enerjisi mənbələri üçün $40 mln nəzərdə tutulub. Eləcə də mikrokreditləşmə üçün ehtiyatların ayrılması nəzərdə tutulub. Lakin hökumətlə danışıqlar hələ müzakirə edildiyinidən Metyu Vestfol kreditin həcmini konkretləşdirməyib.

Bəzi məlumatlara görə, bank bu layihəyə $100 mln. ayırmağa hazırdır.

Nəqliyyüat, sosial və energetika sektorlarında fəaliyyətin prioritetlərini müəyyən etmək məqsədilə bankın müxtəlif missiyaları respublikaya səfər edirlər və hökumətlə danışıqlar aparırlar.

Yeni strategiyanın hazırlanması ilə yanvar ayında fəaliyyətə başlayan AİB ölkələri üzrə iqtisadçı Filipp Çanq məşğul olacaq. O, Cənubi Asiya üçün regional strategiyaların hazırlanmasında təcrübəyə malikdir.

Xəbər lenti

Xəbər lenti