Azərbaycanın investisiya imkanları martın 8-də Tokioda keçiriləcək biznes-forumda təqdim olunacaq. Azərbaycanın İxracı təşviqi və investisiyalar Fondunun (AZPROMO) rəhbəri Emil Məcidovun Trend ə verdiyi məlumata görə, biznes-forum Yaponiyanın İnvestisiyaların təşviqi Agentliyinin (Jetro) və Yaponiyanın Itochu təşkilat dəstəyi ilə keçirilir.Azərbaycan tərəfdən təşkilatçılar İqtisadi İnkişaf Nazirliyi, icraçısı isə AZPROMO-dur.
E.Məcidovun sözlərinə görə, bu gün iqtisadiyyatın müxtəlif sahələrində 30 şirkət Yaponiyadakı biznes-forumdə iştirak etmək üçün istəklərini bildiriblər.
AZPROMO -nun rəhbəri bildirib ki, investisiya konfransının bir günlük olduğuna görə, onun martın 9-da İsveçrədə keçirilməsi üzrə plan qüvvədə qalır.