"Azərboru" səhmdar cəmiyyətinin təsisçisinin dəyişdirilməsi Britaniyanın Targol Investment şirkətinin üzləşdiyi maliyyə problemləri ilə bağlıdır. Trend in verdiyi xəbərə görə, bu barədə jurnalistlərə Dövlət əmlakının idarə olunması üzrə Dövlət Komitəsinin sədri Kərəm Həsənov bildirib.
İnvestisiya öhdəliklərinin yerinə yetirilməsi ilə bağlı vəziyyəti araşdırmaq məqsədilə keçirilən monitorinq şirkət tərəfindən müqavilənin şərtlərində pozuntuların olduğunu göstərib. İnvestisiya proqramının şərtlərinə görə, 3 il ərzində Targol Sumqayıtın boru prokatı zavoduna $50 mln sərmayə qoymalı idi. Lakin investor birbaşa olaraq cəmi $4,5 mln. sərmayə qoyub. Dövlət Komitəsinin rəhbəri müəssisədə yenidənqurma və bərpa işləri üzrə əsaslı işlər aparılmadığını, əmək haqqı üzrə borcların tam şəkildə ödənilmədiyini bildirib.
