Rusiyanın Hesablama Palatasının rəhbəri Sergey Şaxrayın martın ortalarında Azərbaycana planlaşdırılmış səfəri bir sıra obyektiv səbəblərlə əlaqədar olaraq qeyri-müəyyən vaxta təxirə salınıb. Bu barədə Trend ə Azərbaycanın Hesablama Palatasından (AHP) məlumat verilib. Rusiya HP-nin rəhbəri ilə hər iki ölkənin ali audit orqanlarının birgə kollegiyasının keçirilməsi planını hazırlamaq planlaşdırılırdı. Kollegiyanın iclası iyunda Bakıda keçiriləcək. Ötən il bu iclas Moskvada keçirilmişdi.
Belə görüşlərdə auditorlar adətən qarşıdakı ildə yerinə yetirmək üçün nəzərdə tutulan vəzifələri müəyyən edir. AHP artıq 2006-cı ilin planına Rusiya auditorları ilə Xəzərin ekologiyası ilə bağlı birgə işlərin həyata keçirilməsi məsələsini daxil edib. Bu tədbirlərə qazaxıstanlı həmkarların da qoşulması planlaşdırılır.