Aprelin 11-də İstambulda Azərbaycan-Türkiyə iş adamlarının biznes forumu keçiriləcək. Tədbirdə Azərbaycanın investisiya investisiya iqlimi təqdim olunacaq. Bu barədə Trend ə Azərbaycan-Türkiyə iş adamları birliyinin (ATIB) rəhbəri Əhməd Erentok məlumat verib. Tədbirin iştirakçıları ATIB, Azərbaycanın İxracın Təşviqi və İnvestisiya Fondu (AzPROMO), İİN-nin sahibkarlığın dəstəklənməsi üzrə Departamentidir.
Ə.Erentokun sözlərinə görə, Türkiyədəki biznes-forumda iştirak etmək üçün maliyyə sektoru, kənd təsərrüfatı, qida məhsulları, turizm, inşaat, rabitə və informasiya texnologiyaları sahəsində ixtisaslaşmış 50-yə qədər azərbaycanlı sahibkar yola düşəcək. Türkiyə tərəfdən də 100 şirkət iştirak edəcək.
Biznes-forumda Azərbaycandakı ümumi iqtisadi inkişaf təqdim olunacaq. Türkiyə tərəfi öz növbəsində, münasibətlərin gələcək inkişafı üçün vacib olan bu ölkədəki mövcud potensialı nümayiş etdirəcək. Sonra ikitərəfli görüşlər keçiriləcək.
Tədbirdə eləcə də dövlət orqanlarının - İİN, Sənaye və Energetika Nazirliyinin, Rabitə və İnformasiya Texnologiyaları Nazirliyinin və Azərbaycanın İxracın Təşviqi və İnvestisiya Fondu iştirak edəcək. Gələn həftə hazırlıq görüşləri keçirmək üçün Ə.Erentok İstanbulun Ticarət və Sənaye Palatasının rəhbərləri ilə görüşmək üçün Türkiyəyə gedəcək.
