2005-ci ildə Garadagh Cement ATSC Azərbaycanın dövlət büdcəsinə 5568748 min manat vəsait keçirib. Trend in verdiyi məlumata görə, bu barədə müəssisənin maliyyə vəziyyəti üzrə dərc edilən hesabatda bildirilir.
Bu dövr ərzində şirkətin məhsullarının satışından (o cümlədən, xidmətlərdən ) əldə olunan gəlir 93230233 min manat, istehsal xərləri isə 57686144 min manat təşkil edib. Satışdan əldə olunan gəlirlər 21412445 min manat, satlıq olmayan əməliyyatlar üzrə 1991187 min manat təşkil edib.
ƏDV üzrə xərclər 14131644 min manat, əmlak vergisi 287666 min manat olub.
2006-cı ildə müəssisə $7 mln məbləğində investisiya qoymağı planlaşdırır ki, bu da istehsala, eləcə də yeni yarımstansiyanın tikintisinə sərf ediləcək.
Müəssisə həm də 2005-ci ildə olduğu kimi bu il də 1.3 mln. ton sement istehsal etmək niyyətindədir.
2004-cü ildə Garadagh Cement müəssisəsinə $6,5 mln. investisiya qoyulub və 1,36 mln. ton həcmində məhsul istehsal edilib ki, bu da 398 min ton və ya 41.4% çoxdur.
