2006-cı il aprelin 3-nə olan məlumata əsasən, Azərbaycanın Nəqliyyat Nazirliyi yük və sərnişin daşıyan nəqliyyat vasitələrinin sahiblərinə təxminən 5 min 300 fərqlənmə nişanı verib. Bu barədə Trend ə nazirlik katibliyinin rəhbəri Namiq Həsənov məlumat verib. Bu nişanların verilməsi nəticəsində toplanmış məbləğin həcmi təxminən 1 mlrd manat təşkil edib. Fərqlənmə nişanlarının verilməsinə bu ilin mart ayının 1-dən başlanıb.
Mart ayı ərzində şəhər sərnişin daşıma nəqliyyat vasitələrinin sahiblərinə 3 min, taksi sahiblərinə - 1100, şəhərlərarası sərnişin daşıma nəqliyyat vasitələrinin sahiblərinə - 700, yük avtomobilləri sahiblərinə - 500 fərqlənmə nişanı verilib.
Bu sistemin tətbiqi avtomobil sahibləri tərəfindən vergidən yayınmanın qarşısının alınması ilə muübarizəni yaxşılaşdırmağa, həmçinin, sərnişinlərə və yük sahiblərinə lazımi xidmət göstərməyə imkan verəcək.