Qara dəniz Ticarət və İnkişaf Bankı (QTİB) Azərbaycanda əməliyyat fəaliyyəti üzrə 2007-2010-cu illər üçün nəzərdə tutulmuş yeni strategiyanın hazırlanması çərçivəsində ölkə hökuməti üçün prioritet sahələri öyrənir.
Trend in İqtisadi İnkişaf Nazirliyinin press-relizinə istinadən xəbər verdiyi kimi, QTİB missiyasının iqtisadi inkişaf naziri Heydər Babayevlə görüşü zamanı da bu istiqamətdə müzakirələr aparılıb. Missiyanın tərkibinə bankın vitse-prezidenti Svetlana Tsiklovan və siyasət və strategiya idarəsinin rəhbəri Ginea-Arminio Yorq daxildir.
Bankirlərə QTİB-in fəaliyyətini özəl və maliyyə sektorlarının (o cümlədən lizinq, sığorta və bank sahələri) inkişafına, regional layihələrin həyata keçirilməsinə, mikromaliyyə xidmətlərinin göstərilməsinə, o cümlədən iri layihələrdə iştiraka yönəltmək və s. təklif olunub. Bu təkliflər ölkə üzrə strategiyada öz əksini tapacaq.
QTİB missiyası ilə qarşılıqlı əməkdaşlığın inkişaf perspektivlərinə də toxunulub.
