2006-cı il mayın 10-u üçün Azərbaycanın Bakı Beynəlxalq Dəniz Ticarət limanı dəniz vağzalının yenidən qurulmasını başa çatdırmaq niyyətindədir. Bu barədə Trend ə Bakı limanından məlumat verilib. Vağzalın yenidən qurulması layihəsinin birinci mərhələsi limana $1,5 mln-a başa gəlib. Bu vəsait hesabına vağzalın yuxarı modulları əsaslı təmir olunub.
Gələcəkdə limanın yenidən qurulması üzrə ikinci mərhələnin gerçəkləşdiriləcəyi nəzərdə tutulur. Bu mərhələnin dəyəri layihə üzrə texniki-iqtisadi sənədlərin hazırlanması başa çatdıqdan sonra müəyyən olunacaq.
