İlin sonuna kimi Azərbaycan və Qazaxıstan arasında biznes-forumun keçirilməsi planlaşdırılır. Azərbaycanın iqtisadi-inkişaf nazirinin müavini Mikayıl Cabbarovun Trend ə verdiyi məlumata görə, iki ölkənin iş adamlarının Bakıda biznes-forumunun keçirilməsi milli mal istehsalçılarının məhsullarının nümayişi və bazarda malların qarşılıqlı irəliləməsi deməkdir.
O, ikitərəfli əməkdaşlığın gələcəkdə inkişaf üçün potensial imkanlar mövcuddur və iki ölkənin bazarında birgə fəaliyyətə qarşılıqlı marağı inkişaf etdirməyin vacib olduğunu hesab edir.
Aprelin 29-da Bakıda keçirilən İqtisadi əməkdaşlıq üzrə Azərbaycan-Qazaxıstan hökumətlərarası komissiyasının 4-cü iclasında satılan malların nomenklaturasının genişləndirilməsi üzrə razılaşdırılmış səylərin qəbul edilməsinin zəruriliyi, kiçik və orta sahibkarlığın koordinasiya əlaqələrinin inkişafı, investorların sərfəli layihələrin reallaşdırılmasına cəlb edilməsi, sərnişin və yük daşınmalarının stimullaşdırılmasının zəruriliyi qeyd edilib.
Azərbaycanın Kənd Təsərrüfatı və İqtisadi İnkişaf Nazirliyinə Qazaxıstanın qərb regionlarına tərəvəz məhsullarının satışı barədə məsələnin işlənilməsi tapşırılıb. Azərbaycanın baş nazirinin birinci müavini A.Abbasovun sözlərinə görə, Azərbaycanla Qazaxıstan arasında ticari-iqtisadi əlaqələrin inkişafı üçün böyük potensial mövcuddur. Buna baxmayaraq, Qazaxıstandan qazın və buğdanın ixracının azalması ilə əlaqədar mal dövriyyəsi kəskin aşağı düşüb.
2005-ci ildə iki ölkə arasında mal dövriyyəsi $112,5 mln və ya 2004-cü ildəki səviyyənin 45,7%-ni təşkil edib.
