Azərbaycanın Əmək və əhalinin sosial müdafiəsi Nazirliyi ölkə prezidenti tərəfindən 2005-ci il oktyabrın 26-da təsliqlənmiş 2006-2015-ci illər üzrə məşğulluq proqramına müvafiq dövlət proqramının layihəsini hazırlayıb. Trend in verdiyi məlumata görə, bu barədə Əmək Nazirliyinin rəhbəri Füzuli Ələkbərov Nazirlər Kabinetinin 2006-cı ilin I rübünün yekunları üzrə iclasda məlumat verib.
Proqramın layihəsi baxılmaq üçün hökumətə təqdim ediləcək.
İxtisasartırma kurslarına cəlb olunan işçilərin sayı son 5 il ərzində 1,4 dəfə azalıb.
1997-2003-cü illərdə vətəndaşların işlə təmin edilməsi üçün 26,3 mlrd. manat ayrılıb. Bu pullara Əmək Nazirliyinin məşğulluq idarələrində 114 müəssisə yaradılıb. Onlardan 41-i sənaye, 103-ü kənd təsərrüfatı sahəsindədir. Nəticədə onlardan 70-i zərərlə işləyib, 18-i isə öz fəaliyyətini dayandırıb. Ayrılan vəsaitdən 20% -i dövlətə qaytarılıb, 1 mln. AZN isə təyinatı üzrə istifadə olunmayıb.
