Heydər Babayev: Azərbaycan İnvestisiya Şirkəti ölkə prezidentinə yeni layihələr təqdim edib

Azərbaycan prezidentinin "İnvestisiya fəaliyyətinin təşviqi üzrə əlavə tədbirlər haqqında" 30 mart tarixli sərəncamı ilə yaradılmış "Azərbaycan İnvestisiya Şirkəti" SC Ədliyyə Nazirliyində qeydiyyatdan keçib.

Bundan əlavə, investisiya şirkətinin formalaşdırılması prosesi də tezləşdiriləcək ki, bu barədə prezident iyunun 7-də tapşırıq verib. Bunu, Trend agentliyinin məlumatına əsasən, iqtisadi inkişaf naziri, şirkətin Müşahidə Şurasının sədri Heydər Babayev bugünkü mətbuat konfransında bildirib.

Hökumətdəki kadr dəyişikliklərilə bağlı şirkətin Müşahidə Şurasında da dəyişikliklər gözlənilir. Şuranın sədr müavini Samir Şərifov Şahmar Mövsümovla əvəz edilib. Azərbaycan Milli Bankından da şuraya yeni namizəd irəli sürüləcək. Şirkət fəaliyyətə başlamazdan əvvəl onun prezidenti təyin olunmalı və işçilərin tərkibi formalaşdırılmalıdır. Bununla əlaqədar prezident sərəncamına dəyişikliklər layihəsi hazırlanıb ki, bu da dövlət başçısına təqdim olunub.

İqtisadi İnkişaf Nazirliyi ilə Maliyyə Nazirliyinin birgə iştirakı ilə investisiya şirkəti vasiətsilə maliyyələşdiriləcək ilk layihələr də təqdim olunacaq. Nazirin sözlərinə görə, bu layihələr Dövlət İnvestisiya Proqramına daxilldir. "Həmin layihələr neft-kimyadan tutmuş ət kombinatınadək müxtəlif sahələri əhatə edir. Layihələrin ümumi dəyəri investisiya şirkətinin nizamnamə kapitalını xeyli üstələyir ki, bu da təbbidir. Belə ki, dövlət şirkətinin burada iştirakı xüsusi səlahiyyətlər alındıqla 20-25% arasında olacaq" - deyə nazir əlavə edib.